Makata

Ika-1 ng Oktubre, 2010

Nawawalang Paraiso

Brgy. Camaysa, Tayabas, Quezon

 Sa gitna ng mga alingawngaw ng diwa…

Hindi ako tulad nila

Ang diwa ko’y hindi naglalakbay

Sa landas nila

Hindi ko kilala ang mga dakilang makata

Lingid sa akin

Ang mundo ng henyong tula

Ang tula ko’y sariling diwa

Hinukay ang ilan

Sa ilalim ng talampakan

Ang ila’y kusang bumangon mula sa karimlan

Ang diwa ko’y tula

Ngunit kaiba sa kanilang makata

Ang akademiko ko’y lansangan ng diwa

Ang kalasag ko’y malay

Diwa

Ang mundo ko’y salansan ng upuan

Na nagkalat sa payak na sahig

May ibang anggulo

Ang harap ay duon at dito

Ang mundo ko’y tula

* I’m not like them, but my world is a poem.